 | |  |
| |
|
Либли саби нушила
Вацlализиб гуглахlяй.
Суннара лилли сари
Джаготи хlябал дурхlя.
Ца замана гушбили
- Ав!-Аввв! - или бучlули,
Бихьаллигlиб, хъямлигlиб
Дурабухъуй бицl либри.
Вацlализибил двягlли
Хьанца бицлlа къвянкъличу
Гуглахlяйла гвягl сатхиб.
Гвягl дуцили батбихьиб.
Галгалиширти дурхlни
Шидаили бикlули
Саби гуглахlяйлизи:
- Лайхьабакlа ца дурхlя!
- Сен лайбикlане дурхlя,
Гашукь, хlузи бирґихъис?
Гlямал буабну хlула,
Башин гьуни бухили!
Гlяссибили хьанцlа бицl
Кьярждякьили холати
Далкlо цулби бикlули
Саби вайна тlамали:
- Иш хъу дила, хъу дила!
Хъушибил галга дила!
Галгалишиб хlу дила!
Хlу урти дурхlни дила!
Мамбикишаввв, гуглахlяййй?!
Кьацlбикишаввв, гуглахlяййй?!
Кошин-кlуцlул дячишавввв?!
Лайхьабакlа ца дурхlяяяя!
Урухбили гуглахlяй
- Хlара-хlара, вададай! -
Или лайхьабакlили
Саби бицlлис ца дурхlя.
Ца битхьасли шиббирхьур
Гlур ахlкьянну, итилти
Дурхlни мицlилли хьалъан
Или пикрибикlули.
Амма шибахlбихьили
Вайбухъян били хьанцlа
Тlимсагили дурхlнела:
- Аввв! - или багьарибиб,
- Иш хъу дила, хъу дила!
Хъушибил галга дила!
Галгалишиб хlу дила!
Хlу урти дурхlни дила!
Мамбикишаввв, гуглахlяййй?!
Кьацlбикишаввв, гуглахlяййй?!
Кошин-улa дячишавввв?!
Лайхьабакlа ца дурхlяяяя!
Мухlлира лямбикьули
Гьарзамана башули
Гуглахlяйла лирилла
Дурхlя дирґун вайгоан.
- Агьи! - или бисули
Саби дицlлибикьули,
Гуглахlяй цунхьабухъуй
Суничол чаллагули.
Аргъили биса тlама
Хапли хабарагули
Багьарибили саби
Вайти гlямултар гурда.
- Сен бисулле, гуглахlяй?
Си битагьурил либа?
Бура дизи хlула дард
Хlудра гьамадбирарну.
- Я гъариб, ахlбисули
Сион буанира ну,
Дирґуй дели хьанцl-бицlли
Дила ахlарти дурхlни?
- Вари мабисуд, - или
Махбякьили гуглахlяй,
Гlиббурули гурдали,
Бякьили саби сегуг.
Бикьвяй гlямултар гурда:
- Хьадулхъахlану баши, -
Или биргlябаргили
Атхьили саби вайго.
Хьабатулли кlвилелла
Сегуглиши къурумсакъ
Дзубраши абаайши
Гьакlбикlухъули саби.
Гьачам гьакlбухъунхlили
Датхьадухъуй кlвелла тlвяхl
Гвирхьабухъуй къадани
Кони баргбирдиб бицlла.
Сунна конарад дурхlни
Дурахьадухъуй сари.
Гуглахlяй разибили
Саби хlиннабикьули.
Дурадухъуй майдайши
Дурхlни далайдикlули
Сари, динда бяхъяли:
- Къиндир-къиндир, къабача
Хьанцlа буцlела хlяка,
Хlяв-буцlела дулгъуби,
Бицlла кона дикьянна
Нуша хъули дакlира.
|
|
Категория: камни |
Просмотров: 1178 |
Добавил: дарго_магомед
| Теги:
| Рейтинг: 5.0/2 |
Добавлять комментарии могут только зарегистрированные пользователи. [ Регистрация | Вход ] | |
 | |  |
|
| Наш опрос |
Имя Дарго
8. Абдулла-хlяжи Урахинский9. Магомед-Салам Умаханов12. Дауд-хlяжи УсишинскийВсего ответов: 153
|
| Статистика |
Онлайн всего: 1 Гостей: 1 Пользователей: 0 |
|
