Если хочешь сохранить свой родной язык, должно учить детей с малолетства, во-первых, молиться на родном языке и, во-вторых, петь на родном языке. 
Если хочешь развивать свой язык, должно, во-первых, переводить мировые шедевры на родной язык и, во-вторых, самому писать такие шедевры, чтобы другие народы захотели выучить твой язык и читать твои шедевры на языке оригинала. 

***
Ада-абала мидз

Чула бегlлара ахlарти дурис
Улхlла мидз пайда дикьути халкьла
Гьиш дунелишиб агу шилибкьла.
Багlти даргонти сабину или
"Нура даргонна," - или къикъмалзад.
Дурхlни даргонти акlоли хlула,
Диркъвяй даргола мидзра гlядатра,
"Ну даргон сайра," - икlвис хlу ируд .

Уркlилиширти пикруми дурис
Улхlла мидз пайда дикьули эдли,
Адайла мидзра даргола халкьра
Ахlалли саби хlуд или майкlуд.
Хlу гьит миллатла сайри ис ирар,
Хlаръили, кудил мидзличол балга
Бикьуллел, кудил мидзличол хlула
Дурхlначу, кицтачу хlу гъай икlуллел.

Замана аркьвяцад ахlдитяхъили
Адайла мидз хlуд хьалъуй бигали
Дагьихъи биштlа дурхlнази хlуни
Хlяб-хlябал балга адайла мидзли
Гlурра дагьихъи ца-хlябал далай
Адайла мидзли биштlали либай
Даргола тулки. Бегlлара гьалаб
Бурсигlа бакьа бикlвихъис "Дерхъаб!"

Адайла мидз хlуд гьаладяхl дикьвяй
Бигули эдли, гьиш дунелишир
Лирти джаготи шурдатуй далай
Дилкlвис кьас бакьа адайла мидзли.
Гьилди диркъвялли бурсигlайгьили
Кьас бакьа хlуни гlурра джаготи,
Пасихlти дилкlис. Иштяхl бакlисли
Хlула мидз дагьис халкьлис царилти.