 | |  |
| |
|
Аркьвяли къаршихьили
Гlяли Вализи икlор:
- Гьишди гlвямру гlвямрохlин
Дикlарайгьис бигулла.
Валлагь гlур ахlирулла
Варх хlарис хабчабличол.
Вали Гlялизи икlор
- Махlуриллиб, си сайре?
Хlуд си ахlабиуле?
Абдулта мавгьудрану,
Лихlхьяки цlаххьайрудну.
Гьихгъуна духул хьунул
Гlур канирад дургайре?
"Сен дихьибара" или,
Икlвин Аллагьлис шукру
Хlиннайкьули хlархьайгьи.
Джалтазиб ва дявтазиб
Гlяхlцадхlе хьалъун тlашли
Гьилъой бикlули кlвелла
Цалиши либахlкьвяли.
Гlур Гlяли къухlизулли
Дабри шибхьабатулли
Валис гьабуцили сай:
- Сион билзуле гьиш хlуд?
Вали уркlхьавхъуй икlор:
- Шибаис вайна ахlин
Дурхъати дургар кьадин?
- Бигадли, хlуд лугасра?
- Си бикьане нам хlула
Дабри, гьилъойра цацун,
Дила кlвелла лирдели?
- Хlаръа гьиш дабрилиши
Шибаис джагол саби,
Бегlла модара саби,
Чумра бургар бикlути
"Намра делири" - или.
Амма сили багьиса
Цалелла нам сионал?
Сион кьакьали сарел,
Сион гlинджит дирулел
Хlила кlаръра дицlили
Дила язихъти тlвяхlми?
|
|
Категория: камни |
Просмотров: 902 |
Добавил: дарго
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
 | |  |
|
| Наш опрос |
Верите ли Вы в гороскопы?
Всего ответов: 84
|
| Статистика |
Онлайн всего: 1 Гостей: 1 Пользователей: 0 |
|
