Галга - 7 Октября 2020 - Колонка автора

	путь дарго	Джан дерхъаб! Гlямру дерхъаб! Воскресенье, 22.12.2024, 16:19
	Колонка автора	Приветствую Вас гость \| RSS

Главная » » Галга

13:21

Галга

Двягl бухъуй дуги, галга бячуйри,
Чумра дус дяхlцlи лугул гумайлис.
Бухънаба пикруми чlамадикьулли,
Гlвямрула гьунион лассадикlути.

- Далкlунти галгуби гlурра дархьдирар, -
Багьлали вaхlихьиб Адзи Халимбей.
- Вавализи дилзан, дирхъили лиркьян,
Амма бячунил - ахъахlабирар.

- Мякь чlумъал бели, – супил хlвяшбякьиб
Гlяшикьла Бяхlяндли, папрус дурасиб,
Гав душиб, гъай гlиркъадитякьиб.
- Ивгьили хъви, сагасабирар.

- Гьил хlула балкlо саби ахlикlус.
Амма ца сикlал бурасли хlузи,
Мякьвела дакlибти гlуллухъабела
Цlидихь дикlалли гапла ахlдирар.

- Шибатали бухъар, – чlакалис гlиларад
Хlардякьиб хlулби Хlяжила Гlвямарли.
- Сага сабили галга бигали -
Анхъла вагlли бирар кьурч шибалтули.

- Тамашала анцlбукь саби, пикривхъали, -
Гъинчlизур ургав Супилтар Бяхlяй.
- Гlинцлиши хъяр шибатадли хlуни,
Гьил галга хъялла биталгьанкьалли.

- Дила анхълизиб гlинцла тиб галга, -
Джуз сабихъвяли учlул тяхlялли,
Сунна саркъибти, мягlнали дицlибти
Гъайличол сикъелла сай Гъазибяхlянд.

- Ца-шол дус къера хьабатулли бибил,
Буръулера или ташмишибхlили
Батулли ца кьяли, дучили гlурра
Гъимгъяра бягlлира шидидатурра.

Цаличу ца абдз дихьибтион
Лиркьвяли тир хlябалла кьяли,
Хlеблизир дирар джаготи вавни
Гlибшни пергелла цlидихьра дашар.

***
Тяп гьилъой саби бахъхьабаили
Бирхъили бигали дарголис шивкъар
дучили дунела гlилмура, гlякьлура,
шидатис чула гlядатунаши.