Рахли хlу варсхьяхъяли,
яра гlягlнегорили,
я азгъи ахlбакьадли
хlуд бякьис хъарил сикlал,

Аллагьли Тlабигятли
хlуд селла ахlбакьалла,
хlула хlуни балулли
хlуни бякьибил вайна

Замана гlиркъадишли
кьакьадиш шишимъайзи
дихьили хlула уркlи
идзай бурцу кьаркьала.

Балга бикьадли хlуни
улхlла мидзли Аллагьлис,
хlула дурхlна хlула мидз
хъумурту заманалис

Дурхlнаон либил халкьли 
хъумурту адайла мидз, 
халкь битихъур бацlили,
хlебла аргълизиб миъон.

Селла гьунар агули,
укули ва уджули
диркlадли гlвямру дугlли,
халкьли хlу хъумуртури.